• Alain Cuerrier (ᐊᓓᓐ ᑰᕆᔦᕐ) ᐊᒻᒪᓗ ᐃᓄᑐᙯᑦ ᑲᖏᕐᓱᐊᓗᑦᔪᐊᒥᐅᑦ
  • ᐃᓄᒃᑎᑐᑦ, ᐅᐃᒍᐃᑎᑐᑦ ᖃᓪ, ᓗᓈᑎᑐᑦ
  • 2012
  • ᓯᓚᑉᐱᐊᖓ ᓯᑯᑦᓴᔭᖅ, 7 ½ ins. X 9 ins-ᒥᒃ ᐊᖏᓂᖃᕐᓱᓂ – 78-ᓂᒃ ᒪᑉᐱᒐᓕᒃ
  • 978-2-921644-83-9
$22.95 (CAD)

ᐱᕈᕐᑐᓂᒃ ᖃᐅᔨᒪᐅᓯᖏᑦ ᐃᓄᐃᑦ ᑲᖏᕐᓱᐊᓗᑦᔪᐊᒥᐅᑦ, ᓄᓇᕕᒻᒥ

ᕿᒥᕐᕈᐊᑉ ᒥᑦᓵᓄᑦ
ᑲᖏᕐᓱᐊᓗᑦᔪᐊᑉ ᓄᓇᓕᖓ ᑳᖏᕐᓱᐊᓗᑦᔪᐊᑉ ᑰᖓᑕ ᐹᖓᓃᑉᐳᖅ ᑰᓪᓗ ᐅᖓᕙᒧᑦ ᑰᑦᓱᓂ. ᑰᕈᕐᔪᐊᑉ ᒥᕐᖑᐃᓯᕐᕕᖓ ᓄᓇᓕᐅᑉ ᑕᕐᕋᖓᑕ ᐅᐊᓐᓂᖓᓃᑉᐳᖅ, ᑖᕙᓐᓇᓗ ᑯᐯᓕᒫᒥ ᑭᖏᓐᓂᐹᑦᓯᐊᒥᒃ ᖃᕐᖃᕐᓱᓂ ᐊᑎᓕᒻᒥᒃ Mount Iberville-ᒥᒃ ᑑᕐᙰᑦ ᖃᕐᖄᓗᖏᓐᓃᑐᒥᒃ ᑰᕉᑉ ᑰᖓᑎᒎᕐᑐᒥᒃ. ᑲᖏᕐᓱᐊᓗᑦᔪᐊᑉ ᐃᓄᑐᖃᖏᑦ ᑐᓂᔨᖃᑦᑕᓚᐅᔪᕗᑦ  ᖃᐅᔨᒪᐅᓯᕐᒥᓂᒃ ᕿᒥᕐᕈᐊᒨᕐᑕᐅᔪᑦᓴᓂᒃ ᑐᑭᓯᓐᓇᐅᑎᖃᕐᑎᓗᒋᑦ ᐱᕈᕐᑐᐃᑦ ᖃᐅᔨᒪᔭᐅᑦᔪᓯᖏᓐᓂᒃ ᐃᓄᒃᑎᑑᕐᑐᓂᒃ, ᐅᐃᒍᐃᑎᑑᕐᑐᓂᒃ ᖃᓪᓗᓈᑎᑑᕐᑐᓂᓪᓗ. ᕿᒥᕐᕈᐊᖅ ᐱᖓᓱᓂᒃ ᐅᖃᐅᓯᕐᑕᖃᕐᓱᓂ ᑕᑯᑦᓴᑕᓕᒃ ᐱᕈᕐᑐᐃᑦ ᐊᑎᖏᓐᓂᒃ ᖃᓄᕐᓗ ᐊᑐᕐᑕᐅᓲᒍᓂᖏᓐᓂᒃ ᑖᕙᓂᒥᐅᓄᑦ ᐃᓄᓐᓄᑦ. ᑖᓐᓇ ᖃᐅᔨᓴᕐᓂᖅ ᑮᓇᐅᔭᖃᕐᑎᑕᐅᓯᒪᔪᖅ ᖃᐅᔨᓴᕐᓂᖃᕐᓂᖓᓂ ᒥᕐᖑᐃᓯᕐᕕᑖᑐᐃᓐᓇᕋᑕᕐᑎᓗᒍ.

ᕿᒥᕐᕈᐊᓕᐅᕐᑐᕕᓂᐅᑉ ᒥᑦᓵᓄᑦ
ᑲᖐᒋᒻᒪᕆᑦᓱᓂᐅᒃ ᐊᓓᓐ ᑰᕆᔦᕐ, ᐱᕈᕐᑐᐃᑦ ᖃᐅᔨᒪᔭᐅᑦᔪᓯᖏᓐᓂᒃ ᓱᑯᐃᔦᔨᐅᑉ ᖃᐅᔨᓴᕐᑎᐅᓱᓂᓗ ᐱᕈᕐᑐᓂᒃ ᒧᓐᑐᔨᐊᑉ ᐃᓕᓐᓂᐊᕕᕐᔪᐊᖓᓂ ᐊᒻᒪᓗ ᒧᓐᑐᔨᐊᑉ ᐱᕈᕐᓰᕕᒻᒪᕆᖓᓂ, ᐱᐅᓯᑐᖃᕐᑎᒍᑦ ᖃᐅᔨᒪᐅᓯᕆᕙᐅᒃ ᓄᓇᖃᕐᖄᓯᒪᔪᑦ ᐊᒻᒪᓗ ᐃᓄᐃᑦ ᓄᓇᕕᒻᒥᐅᑦ. ᓇᑯᕐᒦᑦ ᑮᓇᐅᔭᑎᒍᑦ ᐃᑲᔪᕐᓯᓯᒪᓐᓂᒪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᒻᒪᓗ ᐃᑲᔪᕐᓯᒪᑎᓪᓗᒍ ᐊᕙᑕᖅ ᐱᐅᓯᑐᖃᓕᕆᕕᒃ, ᐊᓓᓐ ᑰᕆᔦᕐ ᓄᓇᕕᓕᐊᕐᓯᒪᓕᕐᑐᖅ ᐊᒥᓱᕕᒐᓛᑦᓱᓂ ᐃᓕᓐᓂᐊᕆᐊᕐᑐᓱᓂ ᐃᓄᒻᒪᕆᓐᓂᑦ ᐊᒥᓱᐃᓂ ᓄᓇᓕᓐᓂ ᑖᕙᓂᓗ ᓄᓇᒥ ᐱᕈᕐᑐᓂᒃ ᖃᐅᔨᒪᔭᖏᑦᑕ ᒥᑦᓵᓄᑦ.