• Jobie Weetaluktuk and Robyn Bryant
  • ᐃᓄᒃᑎᑑᕐᑐᖅ, ᐅᐃᒍᐃᑎᑑᕐᑐᖅ, ᖃᓪᓗᓈᑎᑑᕐᑐᖅ
  • 2008
  • ᓯᓚᑉᐱᐊᖓ ᓯᑎᔪᖅ, 8 ¼ ins x 81/2 ins-ᒥᒃ ᐊᖏᓂᖃᕐᓱᓂ, 210-ᓂᒃ ᒪᑉᐱᒐᓕᒃ
  • 978-2-89544-099-4
$34.95 (CAD)
Out of stock

ᑏᕕ ᐃᑦᑑᑉ ᐃᓅᓯᖓ ᓴᓇᓐᖑᐊᕈᓯᖓᓗ ᐅᓂᒃᑲᐅᓯᖏᓪᓗ

ᕿᒥᕐᕈᐊᑉ ᒥᑦᓵᓄᑦ
ᑖᓐᓇ ᕿᒥᕐᕈᐊᖅ ᑕᑯᑎᑦᓯᔪᖅ ᐅᓂᒃᑲᐅᓯᓐᖑᐊᕌᓗᖏᓐᓂᒃ ᐃᓄᑐᐃᓐᓇᐅᓱᓂ ᒪᙯᑦᑎᐅᑉ ᓴᓇᓐᖑᐊᑎᐅᑦᓱᓂᓗ ᑏᕕ ᐃᑦᑑᑉ. ᓂᐱᓕᐅᕐᑕᐅᓂᕕᓂᖏᑦ ᑏᕕ ᐃᑦᑑᑉ, ᐅᖄᓗᐊᓐᖑᐊᓱᑎᒃ ᐊᐅᓚᓂᕆᕙᑦᑕᕕᓂᖏᓐᓂᒃ, ᖃᐅᔨᓯᒪᓕᕐᑕᖏᓐᓂᒃ, ᓯᕗᓂᕐᒥ ᐊᑑᑎᒍᒪᒐᔭᓐᖑᐊᑕᖏᓐᓂᒃ ᑕᑯᓯᒪᓕᕐᑕᖏᓐᓂᓗ, ᐃᓚᖃᕐᓱᑎᒃ ᐸᑎᑦᑎᒐᓕᐊᕕᓂᖏᑦᑕ ᐊᑦᔨᖏᓐᓂᒃ, ᐆᒻᒪᑎᑦᓯᓯᐊᕐᓱᑎᒃ ᐃᓄᐃᑦ ᐃᓅᓯᕆᕙᓚᐅᕐᑕᖓᓂᒃ ᒫᓐᓇᐅᓕᕐᑐᓗ ᐃᓅᓯᐅᕙᓚᐅᕐᑐᖅ ᐊᓯᐅᑐᐃᓐᓇᕆᐊᖃᑦᓯᐊᓕᕐᑎᓗᒍ. ᕿᒥᕐᕈᐊᖅ ᐃᓗᓕᓕᒃ ᐊᕙᑎᓗ ᖁᓕᓪᓘᑦ ᐅᖓᑖᓅᕐᑐᓂᒃ ᐸᑎᑦᑎᒐᓕᐊᕆᕙᑦᑕᕕᓂᖏᓐᓂᒃ ᑖᑦᓱᒪ ᓯᓚᕐᔪᐊᓕᒫᒥ ᖃᐅᔨᒪᔭᐅᑦᓯᐊᓕᕐᓱᓂ ᓴᓇᓐᖑᐊᑎᐅᑉ, ᐃᓚᐅᑎᓪᓗᒋᑦ ᐱᐅᔪᒻᒪᕇᑦ ᓄᓇᐅᑉ ᐊᑦᔨᖑᐊᖏᑦ ᐊᐅᓚᕕᒋᕙᑦᑕᕕᓂᖏᑦ ᐃᓅᓯᕐᒥᓂ – ᓯᕗᓂᑦᓴᑎᓐᓂ ᑲᓇᑕᓕᒫᒥ ᒥᕐᖑᐃᓯᕕᐅᓛᕐᓂᐊᑐᒥ ᑑᕐᙰᑦ ᖃᕐᖄᓗᖏᓐᓂ ᐊᒻᒪᓗ ᑰᕉᑉ ᑰᖓᓂ. ᕿᒥᕐᕈᐊᒥᒃ ᐊᑐᐊᕐᓯᔪᖅ ᓲᕐᓗ ᓅᑕᐅᔪᖅ ᓯᓚᕐᔪᐊᖑᒻᒥᔪᒧᑦ, ᖃᐅᔨᒋᐅᕐᑎᓱᒍ ᐊᔪᒉᑦᑐᕋᑕᐅᑦᓱᑎᒃ ᐱᔪᓐᓇᓂᖏᓐᓂᒃ, ᐃᓱᒪᑕᐅᓂᖓᓂᒃ ᖃᐅᔨᒪᐅᓯᖏᓐᓂᓗ ᐱᒐᓱᐊᕐᑕᕕᓂᕆᑦᓱᒋᑦ ᐃᓅᓯᓕᒫᕐᒥᓂ ᓴᓇᓐᖑᐊᑎᐅᑉ ᓴᐱᕐᑌᑐᒻᒪᕆᐅᑦᓱᓂᓗ ᐊᖑᑎᐅᑉ.

ᐊᑐᐊᒐᓕᐅᕐᑐᕕᓃᒃ ᒥᑦᓵᓄᑦ
ᔫᐱ ᐅᐃᑖᓗᑦᑐᖅ ᐃᓄᑦᔪᐊᒥᐅᔭᐅᑦᓱᓂ ᐊᑐᐊᒐᓕᐅᕐᑎᐅᕗᖅ, ᐃᓂᓪᓓᔨᐅᕗᖅ, ᑐᓴᕋᑦᓴᓂᐊᕐᑎᐅᕗᖅ ᑕᑯᓐᓇᕋᑦᓴᓕᐅᕐᑎᐅᓱᓂᓗ. ᓯᕗᓪᓕᐹᖅ ᑕᑯᓐᓇᕋᑦᓴᓕᐊᕕᓂᖓ ᐅᓂᒃᑳᓱᒍ ᐊᑎᖃᕐᓱᓂ Urban Inuk (ᐃᓱᒪ ᑕᑯᓐᓇᕋᑦᓴᓕᐅᕐᑎᑯᑎᒍᑦ, 2005-ᒥ), ᑕᑯᓐᓇᕋᑦᓴᑕᓕᒃ ᐆᒻᒪᑎᑎᒍᑦ ᐊᓂᕐᓂᑎᒍᑦ ᐃᓅᓯᑐᐃᓐᓇᑎᒍᓪᓗ ᐱᒡᒐᕋᓱᐊᕐᓂᖏᓐᓂᒃ ᐱᖓᓱᑦ ᐃᓄᐃᑦ ᒧᓐᑐᔨᐊᒥᐅᑦ, ᑖᓐᓇᓗ ᓯᕗᓪᓕᐸᒥᒃ ᓵᓚᖃᐅᑎᑖᕈᑎᒋᓚᐅᔪᑦᓱᓂᐅᒃ ᐊᑎᓕᒻᒥᒃ Rigoberta Menchu Community Award-ᒥᒃ Land Insight-ᑯᓂ, ᓄᓇᖃᕐᖄᓯᒪᔪᑦ ᓇᓪᓕᐅᓂᕐᓯᐅᓂᖃᕐᑎᓗᒋᑦ ᒧᓐᑐᔨᐊᒥ. ᑭᖑᓪᓕᐹᖅ ᐅᓂᒃᑳᓱᒍ ᑕᑯᓐᓇᕋᑦᓴᓕᐊᕆᓯᒪᔭᖓ ᐊᑎᖃᕐᑐᖅ Umiaq Skin Boat-ᒥᒃ (2008-ᒥ) ᑕᑯᓐᓇᕋᑦᓴᑕᖃᕐᓱᓂ ᐃᓄᑦᔪᐊᒥᐅᓂᒃ ᐃᓄᑐᖃᕐᓂᒃ ᑐᑭᑖᕐᑐᓂᒃ ᓄᓇᓕᒻᒥᓂ ᓯᕗᓪᓕᐹᑦᓯᐊᒥᒃ ᐅᒥᐊᓕᐅᕈᒪᓕᕐᓂᖏᓐᓂᒃ ᓇᑦᓯᔦᓐᓇᒥᒃ ᑌᒣᑦᑐᒥᒃ ᐅᒥᐊᓕᐅᕐᑐᖃᓚᐅᕐᓯᒪᑦᔭᕈᓐᓀᓕᕐᑎᓗᒍ 50 ᐊᕐᕌᒍᐃᑦ ᐅᖓᑖᓄᑦ.
Robyn Bryant (ᐅᔮᐱᓐ ᐳᔦᐊᓐ) ᑯᐯᒻᒥᐅᒍᑦᓱᓂ ᑐᓴᕋᑦᓴᓂᐊᕐᑎᐅᕗᖅ, ᐃᓂᓪᓓᔨᐅᕗᖅ ᐅᖃᐅᓯᐅᓪᓗ ᐁᑉᐹᓅᔦᔨᐅᑦᓱᓂ ᐱᓇᓱᐊᓕᓂᒻᒪᕆᐅᑦᓱᓂ ᓯᑯᑦᓴᔭᑎᒍᑦ ᑐᓴᕋᑦᓴᓂᐊᕐᓂᒥᒃ, ᕿᒥᕐᕈᐊᓕᐅᕐᓂᒥᒃ ᐊᑐᐊᒐᓕᐅᕐᓂᒥᓪᓗ.  ᐊᑯᓂᓂᐊᓗᒃ ᑲᖐᓱᒐᓱᐊᕐᐸᓱᓂ ᐱᓇᓱᐊᕋᒋᑦᓱᓂᐅᒃ ᓄᓇᕕᒻᒥᐅᑦ ᐱᐅᓯᕆᓯᒪᔭᖏᓐᓂᒃ ᐱᐅᓯᑐᖃᖏᓐᓂᓗ, ᑳᖐᒋᔭᖃᕋᓱᐊᕐᐸᒥᔪᖅ ᐱᓇᓱᐊᕋᒋᑦᓱᓂᐅᒃ ᐊᕙᑎᓕᕆᓂᕐᒥᒃ ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓂᒃ, ᓯᓚᕐᔪᐊᒥ ᐅᑉᐱᓂᖃᖃᑎᒌᓐᖏᑐᓂᒃ ᐊᒻᒪᓗ ᕿᕐᓂᑌ ᓄᓇᖓᓐᓂ Africa-ᒥ Swahili-ᐅ ᓯᑦᔭᖓᓂᒃ. ᐊᒥᓱᒐᓛᓂᒃ ᐊᑐᐊᒐᓕᐅᕐᓯᒪᒻᒥᔪᖅ ᐱᐊᕋᕐᓅᓕᖓᔪᓂᒃ.