• Charlie Arngak, Daniel Francis, Thomas Doniol-Valcroze, Mike Hammill, Susan Lofthouse, Bernard Saladin D'Anglure, Frédéric B. Laugrand, Jarich G. Oosten, Stas Olpinski, Viviane Haeberlé, Danielle Baillargeon, Lisa Koperqualuk. Edited by Robert Fréchette.
  • English, Inuktitut
  • Sewn Flexibind, 9 1/4 in. X 12 in., 218 pages
  • 978-2-921644-87-7
$95.00 (CAD)

ᐊᕐᕖᒃ! ᐊᕐᕕᓂᐊᕐᓂᖅ

ᒪᙯᕕᒋᓲᑦᑕ ᐃᓚᖏᓐᓂ ᑕᑯᓲᒍᖏᓐᓇᖁᒍᑦ ᐊᒥᓱᐊᓗᓂᒃ ᐊᕐᕕᕕᓃᑦ ᓴᐅᓂᖏᓐᓂᒃ. ᐅᓂᒃᑳᑕᐅᔪᓂᒃ ᑐᓴᕐᓯᒪᔪᖓ ᖃᓄᖅ ᐃᓄᐃᑦ ᑲᑎᓲᒍᓐᓂᒪᖔᑕ ᐊᕐᕕᓂᐊᓛᓕᕋᒥᒃ. ᐃᓄᐃᑦ, ᓱᒐᓗᑦᑐᖅ ᐅᐃᒡᒐᓃᑦ, ᕿᒪᑦᑕᐅᓂᑰᑦᓱᑎᒃ ᓄᓇᑐᕐᓕᐅᑉ ᐃᓗᐊᓂ ᐃᓐᖏᓗᑦᑖᓲᕕᓃᑦ ᐅᑕᕐᕿᓂᕐᒥᓂ ᐊᖑᑎᓂᒃ ᐊᕐᕕᓂᐊᕆᐊᕐᓯᒪᔪᓂᒃ. ᐊᑕᐅᓯᖅ ᐃᓐᖏᓗᑦᑖᕈᓯᑐᖃᖅ ᐃᒣᓕᔪᖅ: ᒪᑦᑕᖅ ᑎᖓᐅᔮᕐᑐᑦ ᓂᐱᓐᖓᓲᖑᒐᒥ ᐅᔭᕋᕐᓄᑦ. ᔫᓯᐱ ᓇᑉᐹᓗᒃ, ᒪᑉᐱᑐᒐᖅ 139-ᒥ. 

ᓯᕗᓪᓕᐹᒥᒃ ᐊᕐᕕᓂᐊᕐᓂᖃᓚᐅᔪᑎᓪᓗᒍ ᓄᓇᕕᒻᒥᐅᑦ ᐊᕐᕕᓂᐊᕈᓐᓇᓂᕋᕐᑕᕕᓂᐅᑎᓪᓗᒋᑦ 100 ᐅᖓᑖᓅᕐᑐᑦ ᐊᕐᕌᒍᐃᑦ ᓈᓯᒪᓕᕐᑎᓗᒋᑦ ᑭᖑᓪᓕᐹᒥ ᐊᕐᕕᓂᐊᓂᖃᓚᐅᕐᑐᕕᓕᐅᑎᓪᓗᒍ, ᑖᓐᓇ ᐊᖏᔪᑲᓪᓚᒃ ᕿᒥᕐᕈᐊᖅ ᑕᐅᑦᑐᖃᕐᓱᓂ ᑕᑯᑎᑦᓯᔪᖅ ᐃᓗᕐᕈᓯᑐᖃᕐᑎᒎᑉᑐᓂᒃ, ᐃᓅᖃᑎᒌᑦᑐᓂᒃ ᓱᑯᐃᔦᓂᑎᒎᕐᑐᓂᒃ, ᐱᐅᓯᐅᓯᒪᔪᕐᑎᒎᕐᑐᓂᒃ, ᓄᓇᕐᔪᐊᓕᒫᒥ ᓄᓇᓐᖑᐊᓕᕆᓂᑎᒎᕐᑐᓂᒃ ᐊᓂᕐᑎᕆᔪᓕᒫᑎᒎᕐᑐᓂᒃ ᐊᓪᓚᓯᒪᔪᕐᑕᓕᒃ ᐊᕐᕕᓂᐊᕐᓂᐅᓚᐅᔪᔪᒨᓕᖓᔪᓕᒫᑦᓯᐊᓂᒃ.

ᐊᑐᐊᒐᓕᐅᕐᑐᕕᓃᑦ ᖃᐅᔨᓴᕐᓱᑎᒃ ᖃᐅᔨᔭᕕᓂᖏᑦ ᐊᖏᔪᐊᓘᕗᑦ ᑕᑯᑎᑦᓯᓱᑎᒃ ᐊᒥᓱᒐᓛᓂᒃ ᐊᕐᕕᓂᐊᕐᓂᒨᓕᖓᔪᓂᒃ ᐅᓪᓗᒥᒧᑦ ᖃᐅᔨᒪᔭᐅᒐᓱᐊᕐᐸᓂᑦᔭᖏᑦᑐᓂᒃ.

ᐊᕙᑎᑦ ᐱᖓᓱᑦ ᐅᖓᑖᓅᕐᑐᑦ ᐊᑦᔨᖑᐊᑦ ᑕᑯᑎᑦᓯᓯᐊᕐᑐᑦ ᐊᕐᕕᓂᐊᓛᕐᑐᑦ ᐊᑐᐃᓐᓇᕈᕐᑎᓂᖏᓐᓂᒃ, ᐅᑕᕐᕿᐅᓂᖏᓐᓂᒃ ᒪᓕᓐᓂᖏᓐᓂᒃ ᐊᕐᕕᕋᓱᐊᕐᓂᖏᓐᓂᓗ, ᑕᑯᑎᑦᓯᒥᑦᓱᑎᒃ ᖃᓂᑕᕇᒻᒪᕆᐅᓂᖏᓐᓂᒃ ᓄᓇᕕᒻᒥ ᓄᓇᓕᒻᒥᐅᑦ ᒪᙯᓐᓂᖅ ᐊᑐᕐᑐᓚᕆᐅᑦᓱᓂ ᖃᓄᐃᓐᖏᓯᐊᕐᓇᑑᑦᓱᓂᓗ ᐅᓪᓗᒥᐅᓕᕐᑐᖅ ᐃᓅᓯᕐᒧᑦ ᐃᓚᐅᒻᒪᑦ.

ᐃᓄᓕᒫᓄᑦ ᐊᑐᐊᕐᓯᓲᓄᑦ, ᑖᓐᓇ ᕿᒥᕐᕈᐊᖅ ᐱᕕᖃᕐᑎᓯᔪᖅ ᐃᓄᐃᑦ ᐃᓕᑦᓯᓕᐅᒥᒐᔭᕐᓂᖏᓐᓂᒃ ᐊᔪᒉᑦᑑᓱᓂ ᐃᓄᐃᑦ ᐃᓗᕐᕈᓯᖓᓂᒃ ᑐᑭᓯᑎᑦᓯᓕᐅᒥᑦᓱᓂᓗ ᖃᐅᔨᒪᔭᐅᑦᓯᐊᑲᓵᓐᓂᖏᑦᑐᓂᒃ ᖃᐅᔨᒪᔭᐅᒋᐊᖃᕐᓱᑎᒃ ᑲᓇᑕᐅᑉ ᐅᑭᐅᕐᑕᑐᖓᑕ ᐱᐅᓯᕆᓯᒪᔭᖓᓄᑦ. ᐃᓅᖃᑎᑦᑎᓄᑦ, ᑖᓐᓇ ᕿᒥᕐᕈᐊᖅ ᑕᑯᑎᑦᓯᒐᓱᐊᒻᒪᕆᑦᑐᖅ ᐃᓄᐃᑦ ᑲᑦᓱᙰᑦᑐᒪᕆᐅᓂᖏᓐᓂᒃ ᓴᐱᕐᑌᑑᓂᖏᓐᓂᓗ. ᑖᓐᓇ ᕿᒥᕐᕈᐊᖅ ᐃᕐᙯᑎᑦᓯᒍᑕᐅᒋᐊᕐᑐᖅ ᐱᒻᒪᕆᐅᓂᖓᓂᒃ ᐃᕐᖃᐅᒪᒐᑦᓴᐅᓱᓂ ᐊᕐᕕᓂᐊᕐᓂᕕᓂᐅᑉ, ᐊᒻᒪᓗ ᖃᐅᔨᒋᐊᕐᕕᐅᖃᑦᑕᓛᖁᑦᓱᒍ ᑭᖑᕚᑦᓴᑎᓐᓄᑦ.