• Murielle Ida Nagy
  • ᖃᓪᓗᓈᑎᑐᑦ
  • 2000
  • ᓯᓚᑉᐱᐊᖓ ᓯᑯᑦᓴᔭᖅ, 8 ½ in x 10 ¾ in.-ᒥᒃ ᐊᖏᓂᖃᕐᓱᓂ 199-ᓂᒃ ᒪᑉᐱᒐᓕᒃ
  • 2-9801525-9-1
$25.00 (CAD)

Palaeoeskimo Cultural Transition: a case study from Ivujivik, Eastern Artic

ᑖᓐᓇ ᐊᑐᐊᒐᖅ ᐅᓂᒃᑳᑐᖅ ᖃᐅᔨᓴᕐᓂᒥ ᑕᑯᔭᐅᖃᑦᑕᑐᕕᓂᕐᓂᒃ ᖃᐅᔨᓴᕐᑎᓗᒍ ᒨᕆᐊᓪ ᓇᑭ ᐃᓕᓐᓂᐊᕇᒍᑎᑖᕋᓱᐊᕐᓱᓂ ᐃᓕᓐᓂᐊᕕᕐᔪᐊᒥ. ᖃᐅᔨᓴᕐᓂᖃᕐᑐᕕᓂᖅ ᐃᕗᔨᕕᒃ ᓄᓇᕕᒻᒥ ᐃᑲᔪᕐᓯᒪᑎᓪᓗᒍ ᐊᕙᑕᖅ ᐱᐅᓯᑐᖃᓕᕆᕕᒃ ᐃᕗᔨᕕᒻᒥᐅᓗ. ᐊᑐᐊᒐᖅ ᐅᖄᔪᖅ ᐃᓄᐃᑦ ᓇᔪᒐᕐᑖᕙᓪᓕᐊᓯᓂᕕᓂᖏᓐᓂᒃ ᓄᓇᕕᒻᒥᒃ, ᐃᓄᑐᐃᓐᓇᓗᑐᕐᖄᕕᓃᑦ 4,000-ᓂ ᐊᕐᕌᒎᓚᐅᕐᑐᕕᓂᕐᓂᑦ ᐱᒋᐊᕐᕕᒋᑦᓱᒋᑦ ᑐᓃᑦ ᑎᑭᑐᐃᓐᓇᕋᑕᕐᓱᒋᑦ 2,000 ᐊᕐᕌᒍᐃᑦ ᐊᓂᒍᓕᕐᒥᑎᓪᓗᒋᑦ, ᑕᑯᓐᓇᒐᖃᓗᐊᓐᖑᐊᓱᓂ ᐃᓅᓯᕆᓯᒪᔭᖏᓐᓂᒃ ᐃᓅᓯᖏᑦᑕᓗ ᐊᓯᑦᔨᕙᓪᓕᐊᓂᕕᓂᖏᓐᓂᒃ ᐅᖄᔭᐅᓗᐊᓐᖑᐊᑎᓪᓗᒋᒃ ᑕᕝᕙᓂ ᖃᐅᔨᓴᕐᓂᕕᓂᕐᒥ. ᐅᖄᔭᖏᑦᑕ ᐃᓚᖓᓂ, ᐊᑐᐊᒐᓕᐅᕐᑐᕕᓂᖅ ᐃᓱᒪᑖᕐᐸᓕᐊᓯᔪᕕᓂᖅ ᐃᓄᐃᑦ, ᑐᓃᓪᓘᓃᑦ ᑎᑭᕐᖃᒦᑦ ᑖᕗᖓ ᓄᓇᒧᑦ ᓂᕆᔭᑦᓴᓯᐅᒐᓱᐊᒻᒪᕆᓲᒍᓂᕕᓂᖏᓐᓂᒃ ᓄᐊᑦᓯᔨᓐᖑᓚᐅᕋᑎᒃ. ᐃᓄᒃ ᓱᖏᐅᓯᓴᕐᖄᕆᐊᓕᒃ ᐊᕙᑎᒋᓕᕐᑕᒥᓂᒃ ᓈᒻᒪᓈᕐᑐᑯᑦ ᐊᑐᑲᑦᑕᕆᐊᓚᐅᕋᓂ ᐆᒪᔪᕐᐸᑕᒥᓂᒃ. ᐊᑐᐊᒐᓕᐅᕐᑐᕕᓂᖅ ᐅᖄᕙᓪᓗᑐᖅ ᐱᐅᓯᑐᖃᐅᑉ ᐊᓯᑦᔨᐸᓪᓕᐊᓂᕕᓂᖓᓂᒃ.

ᐊᑐᐊᒐᓕᐅᕐᑐᕕᓂᐅᑉ ᒥᑦᓵᓄᑦ
ᒨᕆᐊᔾ ᓇᑭ ᖃᐅᔨᒋᐊᕐᕕᐅᓲᖑᕗᖅ ᐃᓅᖃᑎᒌᑦᑐᑦ ᓱᑯᐃᔭᕐᑕᐅᓂᖏᓐᓄᑦ ᓚᕚᓪ ᐃᓕᓐᓂᐊᕕᕐᔪᐊᖓᓂ. ᓯᑯᑦᓴᔭᒥᒃ ᐃᓕᓐᓂᐊᕇᕈᑎᑖᕐᓯᒪᔪᖅ ᐃᑦᓴᓂᑕᕐᓂᐊᓂᕐᒧᑦ ᐋᓪᐴᑕᐅᑉ ᐃᓕᓐᓂᐊᕕᕐᔪᐊᖓᓐᓂᑦ 1977-ᒥ. 1990-ᒥᑦ 2000-ᒧᑦ, ᐊᑕᐅᑦᓯᑰᕐᑎᓯᔨᕕᓂᖅ ᐱᖓᓱᓂᒃ ᐱᒻᒪᕆᐅᑦᓱᑎᒃ ᓂᐱᓕᐅᕈᑎᑎᒍᑦ ᐅᓂᒃᑳᑕᐅᔪᕕᓂᕐᓂᒃ ᐱᓇᓱᐊᕐᓱᓂ ᐃᓄᕕᐊᓗᐃᓄᐊᖓᔪᒥᒃ ᑲᓇᑕᐅᑉ ᐅᑭᐅᕐᑕᑐᖓᑕ ᐅᐊᓐᓂᖓᓂ. ᐅᐱᒍᓲᓯᕐᑕᐅᓯᒪᔪᖅ ᐃᓕᓐᓂᐊᕇᕐᓯᒪᓕᕐᓂᒧᑦ ᑮᓇᐅᔭᓂᒃ ᐱᓇᓱᐊᕈᑎᑦᓴᐅᑎᓪᓗᒋᑦ ᐃᓅᖃᑎᒌᑦᑐᑦ ᖃᐅᔨᓴᕐᑕᐅᓂᖓᓄᑦ ᐃᑦᓯᒐᕐᔪᐊᑯᓐᓂ ᐊᔪᕿᕐᑐᐃᔨᐅᓚᐅᕐᑐᕕᓂᐅᑉ ᐄᒦᓪ ᐱᑎᑑᑉ.