ᓄᑖᒃ ᒪᕐᕉᒃ ᕿᒥᕐᕈᐊᒃ ᐃᓚᒋᓕᐅᑎᑎᑕᐅᓯᒪᓕᕐᑑᒃ ᐱᐊᕃᑦ ᕿᒥᕐᕈᐊᖏᓐᓄᑦ ᐊᓪᓚᖑᐊᕐᑕᕕᓂᐅᑦᓱᑎᒃ ᓄᓐᖓ ᐃᖃᓗᒻᒧᑦ. ᕿᒥᕐᕈᐊᖑᓕᕋᓗᐊᕐᑎᓗᒋᒃ ᑭᑎᑦᔪᑎᓄᐊᖓᔪᖅ ᐊᒻᒪᓗ ᐃᓄᐃᑦ ᓴᓇᕐᕈᑎᖏᑦ, ᐅᓇ ᕿᒥᕐᕈᐊᖑᓕᕐᒥᔪᖅ ᐃᓄᐃᑦ ᐊᐅᓚᒍᑎᖏᑦ. ᕿᒧᑦᓰᑦ, ᐃᓕᓵᓂᒃ ᐁᑦᓯᕋᐅᑎᒃ, ᖁᓕᒥᒎᓕᒃ/ᖁᓛᒻᒥᒎᓕᒃ. ᑲᒧᑎᑲᓪᓚᒃ/ᓯᑭᑑᖅ, ᐃᑯᐊᓚᔪᕐᓂᐊᑎ, ᖃᔭᖅ ᐊᓯᖏᓪᓗ ᐊᐅᓚᒍᑎᐅᒍᓐᓇᑐᑦ, ᑖᒃᑯᐊ ᐊᓪᓚᖑᐊᕐᓯᒪᔪᑦ ᑕᑯᑎᑦᓯᔪᑦ ᖃᓄᖅ ᓄᓇᕕᒻᒥ ᐊᐅᓚᒍᑏᑦ ᐊᓯᑦᔨᓯᒪᓕᕐᓂᖏᓐᓂᒃ. ᕿᒥᕐᕈᐊᓕᐊᖑᓯᒪᔪᑦ ᐊᕐᕌᒍᖃᓐᖏᑐᓂᑦ ᑕᓪᓕᒪᓂᒃ ᐅᑭᐅᓕᓐᓄᑦ, ᑖᒃᑯᐊ ᕿᒥᕐᕈᐊᑦ, ᓯᑕᒣᓐᖑᐊᕌᓘᓕᕐᓱᑎᒃ, ᐃᓕᓴᐅᑎᑦᓴᓯᐊᑦ ᐱᐊᕃᑦ ᑕᑦᓰᓚᕿᑎᓪᓗᒋᑦ ᐃᓕᓐᓂᐊᓂᕐᒥᒃ ᐅᖃᐅᓰᕐᓯᖏᑦᑑᒍᑕᐅᒍᓐᓇᓱᑎᐊᓪᓛᑦ. ᑖᒃᑯᐊ ᓯᑕᒣᑦ ᐊᑐᐃᓐᓇᐅᓛᕐᓂᐊᑐᑦ ᒪᓐᓂᓕᐅᑦ (ᔫᓂᐅᑉ) ᓄᓐᖑᐊᓂ 2013-ᒥ. →
ᑐᓴᕐᓂᔮᕐᑎᓯᒍᑎᐅᑉ ᖃᓄᐃᑦᑑᓂᖓ
ᑖᒃᑯᐊ ᑲᑎᕐᓱᐊᒍᓯᒪᔪᑦ ᐱᐅᓂᕐᐹᑦ ᐃᓄᐃᑦ ᐅᓪᓗᒥᓂᑕᕐᓂᒃ ᑐᓴᕐᓂᔮᕐᑎᓯᐅᑎᖏᑦ ᐅᓪᓗᒥ ᐊᑐᐃᓐᓇᐅᓕᕐᑐᑦ. 1994-ᒥᓂᑦ, ᐃᓄᒃᓱᒃ ᓂᐱᓕᐅᕐᑏᑦ ᓂᐱᓕᐅᕐᓯᒪᔪᖅ ᐊᑦᔨᒌᖕᖏᑐᓂᒃ ᐱᖕᖑᐊᑎᓂᒃ ᐆᑦᑑᑎᒋᑦᓱᒋᑦ ᓵᓕ ᐋᑕᒻᔅ ᐃᓄᑦᔪᐊᒥᐅᖅ, ᕼᐃᓇᒃ ᑕᐅᓐᓕ ᓛᐸᑐᐊᒥᐅᖅ, ᓓᓇ ᑐᓪᓚᐅᒐᖅ ᐳᕕᕐᓂᑐᒥᐅᖅ, ᕿᒧᑦᔪᐃᑦ ᐃᓄᑦᔪᐊᒥᐅᑦ, ᑑᒪᓯ ᖁᐃᑦᓴᖅ ᐊᑯᓕᕕᒻᒥᐅᖅ, ᐅᕙᒍᑦ ᐃᖃᓗᒻᒥᐅᑦ, ᓵᓕ ᓂᖏᐅᖅ ᐃᓄᑦᔪᐊᒥᐅᖅ, ᐊᒻᒪᓗ ᐋᓐᑕᕃ ᐳᓵᑦ ᐃᓄᑦᔪᐊᒥᐅᖅ. ᑖᓐᓇ ᓂᐱᑦᓴᔭᖅ ᑲᑎᕐᓱᐃᕕᐅᓯᒪᔪᖅ ᐃᓕᐅᕐᖃᑕᐅᓯᒪᑎᓪᓗᒋᑦ 10-ᓂᑦ ᓂᐱᑦᓴᔦᑦ ᐃᓕᒃᑰᑎᕐᑐᑦ ᓈᓚᒐᑦᓭᑦ. ᑖᒃᑯᐊ ᐊᒥᓲᓗᐊᖕᖏᑐᑦ “ᐱᑖᕆᓗᒋᑦ ᑭᓯᐊᓂᐅᑦᓱᑎᒃ” ᓈᓚᒐᑦᓭᑦ ᑲᑎᕐᓱᐊᒍᓯᒪᔪᑦ.
ᐃᓕᒃᑰᑎᕐᑐᑦ ᐃᓚᓖᑦ ᐅᑯᓂᖓ: ᓵᓕ ᐋᑕᒻᔅ (3 ᐃᖕᖏᑕᖏᑦ), ᓵᓕ ᓂᖏᐅᖅ (2 ᐃᖕᖏᑕᒋᒃ), ᕼᐃᓇᒃ ᑕᐅᓐᓕ (ᐃᖕᖏᑕᖏᑦ), ᓓᓇ ᑐᓪᓚᐅᒐᖅ (2 ᐃᖕᖏᑕᒋᒃ), ᕿᒧᑦᔪᐃᑦ (ᐊᑕᐅᓯᖅ ᐃᖕᖏᑕᖓ), ᑑᒪᓯ ᖁᐃᑦᓴᖅ (2 ᐃᖕᖏᑕᒋᒃ), ᐅᕙᒍᑦ (2 ᐃᖕᖏᑕᒋᒃ) ᐊᒻᒪᓗ ᐋᑦᑕᕃ ᐳᓵᑦ (3 ᐃᖕᖑᑕᖏᑦ).
