ᓄᑖᒃ ᒪᕐᕉᒃ ᕿᒥᕐᕈᐊᒃ ᐃᓚᒋᓕᐅᑎᑎᑕᐅᓯᒪᓕᕐᑑᒃ ᐱᐊᕃᑦ ᕿᒥᕐᕈᐊᖏᓐᓄᑦ ᐊᓪᓚᖑᐊᕐᑕᕕᓂᐅᑦᓱᑎᒃ ᓄᓐᖓ ᐃᖃᓗᒻᒧᑦ. ᕿᒥᕐᕈᐊᖑᓕᕋᓗᐊᕐᑎᓗᒋᒃ ᑭᑎᑦᔪᑎᓄᐊᖓᔪᖅ ᐊᒻᒪᓗ ᐃᓄᐃᑦ ᓴᓇᕐᕈᑎᖏᑦ, ᐅᓇ ᕿᒥᕐᕈᐊᖑᓕᕐᒥᔪᖅ ᐃᓄᐃᑦ ᐊᐅᓚᒍᑎᖏᑦ. ᕿᒧᑦᓰᑦ, ᐃᓕᓵᓂᒃ ᐁᑦᓯᕋᐅᑎᒃ, ᖁᓕᒥᒎᓕᒃ/ᖁᓛᒻᒥᒎᓕᒃ. ᑲᒧᑎᑲᓪᓚᒃ/ᓯᑭᑑᖅ, ᐃᑯᐊᓚᔪᕐᓂᐊᑎ, ᖃᔭᖅ ᐊᓯᖏᓪᓗ ᐊᐅᓚᒍᑎᐅᒍᓐᓇᑐᑦ, ᑖᒃᑯᐊ ᐊᓪᓚᖑᐊᕐᓯᒪᔪᑦ ᑕᑯᑎᑦᓯᔪᑦ ᖃᓄᖅ ᓄᓇᕕᒻᒥ ᐊᐅᓚᒍᑏᑦ ᐊᓯᑦᔨᓯᒪᓕᕐᓂᖏᓐᓂᒃ. ᕿᒥᕐᕈᐊᓕᐊᖑᓯᒪᔪᑦ ᐊᕐᕌᒍᖃᓐᖏᑐᓂᑦ ᑕᓪᓕᒪᓂᒃ ᐅᑭᐅᓕᓐᓄᑦ, ᑖᒃᑯᐊ ᕿᒥᕐᕈᐊᑦ, ᓯᑕᒣᓐᖑᐊᕌᓘᓕᕐᓱᑎᒃ, ᐃᓕᓴᐅᑎᑦᓴᓯᐊᑦ ᐱᐊᕃᑦ ᑕᑦᓰᓚᕿᑎᓪᓗᒋᑦ ᐃᓕᓐᓂᐊᓂᕐᒥᒃ ᐅᖃᐅᓰᕐᓯᖏᑦᑑᒍᑕᐅᒍᓐᓇᓱᑎᐊᓪᓛᑦ. ᑖᒃᑯᐊ ᓯᑕᒣᑦ ᐊᑐᐃᓐᓇᐅᓛᕐᓂᐊᑐᑦ ᒪᓐᓂᓕᐅᑦ (ᔫᓂᐅᑉ) ᓄᓐᖑᐊᓂ 2013-ᒥ. →
ᐅᓂᒃᑳᑕᐅᔪᖅ ᐃᓅᓯᕆᓯᒪᔭᖓ ᐲᕐᑎᐅᑉ, ᐲᕐᑎᐅ ᐃᑦᓯᒐᕐᔪᐊᑯᑦ ᐊᔪᕿᕐᑐᐃᔨᖁᑎᕕᓂᖓ ᐅᓂᒃᑳᑕᐅᔪᖅ ᐃᓅᓯᖓ 50 ᐊᕐᕌᒍᐃᑦ ᐅᖓᑖᓄᑦ ᓄᓇᕕᒻᒥᐅᓂ ᐃᓄᓐᓃᓯᒪᓂᖓ.
Fifty Years Below Zero ᑐᕃᓐᓇᓯᐊᕐᓱᓂ ᐅᓂᒃᑳᑐᖅ ᐃᓄᐃᑦ ᖃᐅᑕᒫᑦ ᐃᓅᓯᕆᖃᑦᑕᓯᒪᔭᖏᓐᓂᒃ, ᐱᐅᓯᑐᖃᖏᓐᓂᒃ, ᐃᓱᒪᒍᓯᖏᓐᓂᒃ ᖃᓄᕐᓗ ᑕᑯᓐᓇᓂᖏᓐᓂᒃ ᓯᓚᕐᔪᐊᒥᒃ.
50-ᓂ ᐊᕐᕌᒎᖃᑦᑕᓚᐅᕐᑐᓂ, ᐃᓄᐃᑦ ᐊᓯᑦᔨᓂᒻᒪᕆᒦᑦᓯᒪᔪᑦ ᓄᓇᓕᒻᒥᐅᖑᓯᑐᐊᕋᒥᒃ. ᐅᓂᒃᑳᑕᐅᓂᖓ ᐱᐊᓪᔭᒻ-ᒥᐅᒍᑦᓱᓂ ᐃᑦᓯᒐᕐᔪᐊᑉ ᐅᖄᔪᖅ ᐊᐅᓚᔨᔭᖏᓐᓂᒃ ᐃᓚᖏᓐᓂᒃ ᐊᑑᑎᖃᑦᑕᑐᕕᓂᕐᓂᒃ ᑕᑯᑎᑦᓯᓯᐊᕐᓱᓂᓗ ᖃᐅᑕᒫᑦ ᓵᓐᖓᒋᐊᖃᖃᑦᑕᑕᕕᓂᖏᓐᓂᒃ ᓄᓇᖃᕐᖄᓯᒪᔪᑦ ᐅᑭᐅᕐᑕᑐᒥᐅᑦ.
ᐊᑐᐊᒐᓕᐅᕐᑐᕕᓂᐅᑉ ᒥᑦᓵᓄᑦ
Raymonde Haché (ᕆᒨᓐ ᖄᓰ), New Brunswick-ᒥᐅᔭᐅᑦᓱᓂ ᖃᐅᔨᒪᓯᒪᓕᕐᑐᖅ ᐊᑖᑕ ᐲᕐᑎᐅᒥᒃ 1978-ᒥᓂᓂᑦ. ᐃᓕᓐᓂᐊᕕᕐᔪᐊᒥ ᐃᓕᓐᓂᐊᕇᒍᑎᑖᕐᓯᒪᔪᖅ ᑯᑎᐅᑉ/ᐅᑉᐱᓂᐅᑉ ᒥᑦᓵᓅᑦ ᐃᓕᓐᓂᐊᑎᑦᓯᔨᐅᓯᒪᑦᓱᓂᓗ ᖁᐊᕐᑕᒥ, ᑰᑦᔪᐊᕌᐱᒻᒥ ᐃᓄᑦᔪᐊᒥᓪᓗ. 1980-ᒥᑦ 2000-ᒧᑦ, ᐱᓇᓱᐊᕐᓂᒥᔪᖅ ᐊᔪᕿᕐᑐᐃᓂᕐᒥ ᐃᑦᓯᒐᕐᔪᐊᑦ ᑐᒃᓯᐊᕕᖏᓐᓂ ᑰᑦᔪᐊᕌᐱᒻᒥ ᐃᓄᑦᔪᐊᒥᓪᓗ.
ᐃᑲᔪᕐᑎᖃᕐᓱᑕ les Éditions Anne Sigier-ᑯᓐᓂᒃ
