ᓄᑖᒃ ᒪᕐᕉᒃ ᕿᒥᕐᕈᐊᒃ ᐃᓚᒋᓕᐅᑎᑎᑕᐅᓯᒪᓕᕐᑑᒃ ᐱᐊᕃᑦ ᕿᒥᕐᕈᐊᖏᓐᓄᑦ ᐊᓪᓚᖑᐊᕐᑕᕕᓂᐅᑦᓱᑎᒃ ᓄᓐᖓ ᐃᖃᓗᒻᒧᑦ. ᕿᒥᕐᕈᐊᖑᓕᕋᓗᐊᕐᑎᓗᒋᒃ ᑭᑎᑦᔪᑎᓄᐊᖓᔪᖅ ᐊᒻᒪᓗ ᐃᓄᐃᑦ ᓴᓇᕐᕈᑎᖏᑦ, ᐅᓇ ᕿᒥᕐᕈᐊᖑᓕᕐᒥᔪᖅ ᐃᓄᐃᑦ ᐊᐅᓚᒍᑎᖏᑦ. ᕿᒧᑦᓰᑦ, ᐃᓕᓵᓂᒃ ᐁᑦᓯᕋᐅᑎᒃ, ᖁᓕᒥᒎᓕᒃ/ᖁᓛᒻᒥᒎᓕᒃ. ᑲᒧᑎᑲᓪᓚᒃ/ᓯᑭᑑᖅ, ᐃᑯᐊᓚᔪᕐᓂᐊᑎ, ᖃᔭᖅ ᐊᓯᖏᓪᓗ ᐊᐅᓚᒍᑎᐅᒍᓐᓇᑐᑦ, ᑖᒃᑯᐊ ᐊᓪᓚᖑᐊᕐᓯᒪᔪᑦ ᑕᑯᑎᑦᓯᔪᑦ ᖃᓄᖅ ᓄᓇᕕᒻᒥ ᐊᐅᓚᒍᑏᑦ ᐊᓯᑦᔨᓯᒪᓕᕐᓂᖏᓐᓂᒃ. ᕿᒥᕐᕈᐊᓕᐊᖑᓯᒪᔪᑦ ᐊᕐᕌᒍᖃᓐᖏᑐᓂᑦ ᑕᓪᓕᒪᓂᒃ ᐅᑭᐅᓕᓐᓄᑦ, ᑖᒃᑯᐊ ᕿᒥᕐᕈᐊᑦ, ᓯᑕᒣᓐᖑᐊᕌᓘᓕᕐᓱᑎᒃ, ᐃᓕᓴᐅᑎᑦᓴᓯᐊᑦ ᐱᐊᕃᑦ ᑕᑦᓰᓚᕿᑎᓪᓗᒋᑦ ᐃᓕᓐᓂᐊᓂᕐᒥᒃ ᐅᖃᐅᓰᕐᓯᖏᑦᑑᒍᑕᐅᒍᓐᓇᓱᑎᐊᓪᓛᑦ. ᑖᒃᑯᐊ ᓯᑕᒣᑦ ᐊᑐᐃᓐᓇᐅᓛᕐᓂᐊᑐᑦ ᒪᓐᓂᓕᐅᑦ (ᔫᓂᐅᑉ) ᓄᓐᖑᐊᓂ 2013-ᒥ. →
ᕿᒥᕐᕈᐊᑉ ᒥᑦᓵᓄᑦ
“ᓯᕗᓪᓕᕕᓂᑦᑎᓄᑦ ᐃᓕᓐᓂᐊᑎᑕᐅᓯᒪᒐᑦᑕ ᐊᑎᖏᓐᓂᒃ ᓄᓀᑦ, ᑕᓰᑦ, ᖃᕐᙯᑦ ᐊᒻᒪᓗ ᕿᑭᕐᑌᑦ, ᑌᒣᒐᑦᑕ ᖃᐅᔨᑎᑦᓯᒋᐊᖃᕐᐳᒍᑦ ᐃᓕᓐᓂᐊᑎᑕᐅᓯᒪᓂᑦᑎᓂᒃ ᓱᓇᐅᒻᒪᖔᑕ ᐅᕕᒃᑲᑎᓐᓂᒃ.” ᑌᒣᓕᔪᕕᓂᖅ ᓵᒧᐃᓕ ᐋᓇᖃᑕᒃ ᑲᖏᕐᓱᒥᐅᖅ ᓇᓗᓀᕐᓯᓕᕋᒥ ᐱᔭᑦᓴᓕᐊᖑᔪᕕᓂᕐᒥᒃ ᐱᓇᓱᐊᕐᑕᕕᓂᐅᑦᓱᓂ 1983-ᒥᑦ 1987-ᒧᑦ : ᑲᑎᕐᓱᐃᓂᖃᕐᑎᓗᒍ ᓄᓀᑦ ᐊᑎᖏᓐᓂᒃ ᐃᓄᓐᓄᑦ ᖃᐅᔨᒪᔭᐅᔪᓂᒃ ᓄᓇᕕᒻᒥ ᖁᓕᓪᓗ ᑕᓪᓕᒪᓘᓂᑦ ᓄᓇᓕᓐᓂᑦ.
ᖃᐅᔨᒪᐅᑎᒃ ᐊᓪᓚᖁᑎᖃᕐᐳᖅ ᓄᓀᑦ ᐊᑎᖏᓐᓂᒃ ᐊᓪᓚᓯᒪᑦᓱᑎᒃ ᖃᓕᐅᔭᕐᐯᑎᑐᑦ ᐃᓄᒃᑎᑐᓪᓗ, ᓱᓇᑦᓯᐊᓂᒃ ᐅᖄᒻᒪᖔᑦ, ᓄᓇᓐᖑᐊᑎᒍᑦ ᓇᓂ ᑕᑯᔭᐅᒍᓐᓇᒪᖔᑕ ᓄᓀᑦ ᐊᒻᒪᓗ ᑐᑭᓯᒋᐊᕐᕕᖃᕐᓱᓂ ᐃᓱᐊᓂ ᓄᓇᓐᖑᐊᒥᒃ. ᕿᒥᕐᕈᐊᖅ ᐃᓚᖃᕐᒥᔪᖅ ᐱᒋᐊᕐᓂᓕᒍᑎᒥᒃ ᓄᐊᑦᓯᕕᐅᔪᕕᓃᓪᓗ ᐅᖄᖃᑦᑕᑕᕕᓂᖏᓐᓂᒃ.
ᕿᒥᕐᕈᐊᓕᐅᕐᑐᕕᓂᐅᑉ ᒥᑦᓵᓄᑦ
ᐃᓚᒋᔭᐅᑦᓱᓂ ᓄᓇᓕᕆᓂᐅᑉ ᐱᒍᑦᔨᕕᖓᓐᓂ ᒪᑭᓪ ᐃᓕᓐᓂᐊᕕᕐᔪᐊᖓᓐᓂ ᐃᓕᓐᓂᐊᓱᓂ ᐱᐅᓯᑐᖃᕐᑎᒍᑦ ᓄᓀᑦ ᖃᓄᐃᓕᖓᓂᖏᓐᓂᒃ/ᑕᕐᕋᒥᐅᓂᒃ ᖃᐅᔨᓴᕐᑐᕕᓂᐅᒻᒥᓱᓂ ᔭᓄᐊᕆ 1977-ᒥᓂᑦ, ᐃᓕᓐᓂᐊᕇᕈᑎᑖᕐᑐᕕᓂᐅᑦᓱᓂᓗ ᐃᓅᖃᑎᒌᑦᑐᓂᒃ ᓱᑯᐃᔦᓂᕕᓂᕐᒥᓄᑦ, ᓄᓇᓕᕆᓂᕐᒧᑦ ᑌᑦᓱᒪᓂᐊᓗᓪᓗ ᐱᐅᓯᐅᓯᒪᔪᓂᒃ, Westfalische Wilhelms- Universitat, Munster, ᔮᒪᓃᑦ ᓄᓇᖓᓐᓂ, 1971-ᒥ.
1960-ᐄᑦ ᐊᕐᕌᒍᖏᑦ ᐱᒋᐊᕐᖃᒥᐅᓂᖏᓐᓂᑦ, Ludger Müller-Wille (ᓘᑦᑲ ᒧᓚ ᐅᐃᓕ) ᖃᐅᔨᓴᕐᓯᒪᕗᖅ ᐃᓅᖃᑎᒌᑦᑐᑦ ᐱᐅᓯᑐᖃᕕᓂᖏᓐᓂᒃ, ᓄᓇᓕᕆᓂᕐᒥᒃ ᓄᓇᓐᖑᐊᓕᕆᓂᕐᒥᓗ ᑕᕆᐅᑉ ᐊᑭᐊᓂ ᐅᑭᐅᕐᑕᑐᒥ ᕕᓐᓚᓐ-ᒥ ᓄᐊᕗᐃ-ᒥᓪᓗ ᐱᓇᓱᐊᖃᑎᖃᕐᓱᓂ ᑖᕙᓂᒥᐅᓂᒃ ᑕᕆᐅᑉ ᐅᑭᐅᕐᑕᑐᖓᓂ ᐊᒻᒪᓗ ᑲᓇᑕᐅᑉ ᐅᑭᐅᕐᑕᑐᖓᓂ (ᓄᓇᕘᕐᒥ, ᓄᓇᕕᒻᒥ, ᓴᔅᑳᑦᓴᕗᐊᓐ ᑕᕐᕋᖓᓂ ᐊᒻᒪᓗ ᑯᐯᒻᒥ) ᐱᓇᓱᐊᖃᑎᖃᕐᓱᓂ ᐃᓄᓐᓂᒃ, ᑎᓃᓂᒃ, ᓈᔅᑳᐱᓐᓂᒃ ᐊᓪᓚᓂᓗ ᑯᔩᓂᒃ.
