ᓄᑖᒃ ᒪᕐᕉᒃ ᕿᒥᕐᕈᐊᒃ ᐃᓚᒋᓕᐅᑎᑎᑕᐅᓯᒪᓕᕐᑑᒃ ᐱᐊᕃᑦ ᕿᒥᕐᕈᐊᖏᓐᓄᑦ ᐊᓪᓚᖑᐊᕐᑕᕕᓂᐅᑦᓱᑎᒃ ᓄᓐᖓ ᐃᖃᓗᒻᒧᑦ. ᕿᒥᕐᕈᐊᖑᓕᕋᓗᐊᕐᑎᓗᒋᒃ ᑭᑎᑦᔪᑎᓄᐊᖓᔪᖅ ᐊᒻᒪᓗ ᐃᓄᐃᑦ ᓴᓇᕐᕈᑎᖏᑦ, ᐅᓇ ᕿᒥᕐᕈᐊᖑᓕᕐᒥᔪᖅ ᐃᓄᐃᑦ ᐊᐅᓚᒍᑎᖏᑦ. ᕿᒧᑦᓰᑦ, ᐃᓕᓵᓂᒃ ᐁᑦᓯᕋᐅᑎᒃ, ᖁᓕᒥᒎᓕᒃ/ᖁᓛᒻᒥᒎᓕᒃ. ᑲᒧᑎᑲᓪᓚᒃ/ᓯᑭᑑᖅ, ᐃᑯᐊᓚᔪᕐᓂᐊᑎ, ᖃᔭᖅ ᐊᓯᖏᓪᓗ ᐊᐅᓚᒍᑎᐅᒍᓐᓇᑐᑦ, ᑖᒃᑯᐊ ᐊᓪᓚᖑᐊᕐᓯᒪᔪᑦ ᑕᑯᑎᑦᓯᔪᑦ ᖃᓄᖅ ᓄᓇᕕᒻᒥ ᐊᐅᓚᒍᑏᑦ ᐊᓯᑦᔨᓯᒪᓕᕐᓂᖏᓐᓂᒃ. ᕿᒥᕐᕈᐊᓕᐊᖑᓯᒪᔪᑦ ᐊᕐᕌᒍᖃᓐᖏᑐᓂᑦ ᑕᓪᓕᒪᓂᒃ ᐅᑭᐅᓕᓐᓄᑦ, ᑖᒃᑯᐊ ᕿᒥᕐᕈᐊᑦ, ᓯᑕᒣᓐᖑᐊᕌᓘᓕᕐᓱᑎᒃ, ᐃᓕᓴᐅᑎᑦᓴᓯᐊᑦ ᐱᐊᕃᑦ ᑕᑦᓰᓚᕿᑎᓪᓗᒋᑦ ᐃᓕᓐᓂᐊᓂᕐᒥᒃ ᐅᖃᐅᓰᕐᓯᖏᑦᑑᒍᑕᐅᒍᓐᓇᓱᑎᐊᓪᓛᑦ. ᑖᒃᑯᐊ ᓯᑕᒣᑦ ᐊᑐᐃᓐᓇᐅᓛᕐᓂᐊᑐᑦ ᒪᓐᓂᓕᐅᑦ (ᔫᓂᐅᑉ) ᓄᓐᖑᐊᓂ 2013-ᒥ. →
ᑖᓐᓇ ᐊᑐᐊᒐᖅ ᐃᓚᒋᔭᐅᔪᖅ ᐊᖏᓂᕐᓴᒧᑦ ᐱᓇᓱᐊᕐᑕᐅᒐᓱᐊᕐᒥᔪᒧᑦ ᓄᓇᕕᐅᑉ ᐱᐅᓯᕆᓯᒪᔭᖓᑕ ᑕᑯᓐᓇᑕᐅᒍᓯᖓᑎᒍᑦ ᐃᓚᐅᑎᓪᓗᒋᑦ ᐃᓄᐃᑦ ᐱᕐᕈᓯᑐᖃᑦᓴᔭᖏᑦ ᖃᐅᔨᒪᐅᓯᖏᓪᓗ, ᖃᐅᔨᒪᐅᓯᕗᑦ.
ᒪᕐᕉᓂ ᑕᕐᖀᓂ, ᓖᓴ ᖁᐱᕐᕈᐊᓗᒃ ᐊᐱᕐᓱᕆᐊᕐᑐᓯᒪᓚᐅᔪᕗᖅ ᐊᕙᑎᑦ ᒪᕐᕈᓂᒃ ᓄᓇᕕᒻᒥᐅᓂᒃ ᐃᓄᒻᒪᕆᓐᓂᒃ ᖃᐅᔨᒪᔭᖏᓐᓂᒃ ᓄᐊᑦᓯᓱᓂ ᒪᓕᒐᐅᕙᑦᑐᕕᓃᑦ ᐊᐅᓚᑦᓯᕙᓐᓂᕕᓂᖏᓐᓄᑦ ᐃᓄᐃᑦ ᐃᓅᓯᖏᓐᓂᒃ, ᐃᓅᖃᑎᒌᑦᑐᑦ ᓭᒪᖃᑦᑕᐅᑎᒍᓯᕕᓂᖏᓐᓄᑦ, ᐊᒻᒪᓗ ᐱᐅᓯᐅᕙᑦᑐᕕᓂᕐᓂᒃ ᓇᓪᓕᖏᑦ ᐃᓄᐃᑦ ᓭᒪᓂᐅᔪᒥᒃ ᓯᖁᑦᑎᕆᑐᐊᕐᒪᑕ, ᐊᑕᐅᓯᖅ ᑕᒪᑐᒨᓇ ᐆᑦᑑᑎᒃ, ᐊᐅᒃᑲᐅᑎᐅᑉ ᐱᐅᓯᕆᓚᐅᕐᓯᒪᔭᖓ, ᑖᓐᓇ ᐊᑑᑎᓚᐅᕐᑐᕕᓂᖅ ᓄᓇᕕᒻᒥᐅᓕᒫᑲᓵᓄᑦ ᑐᓴᐅᒪᔭᐅᔪᖅ. ᐃᓕᒃᑰᑐᖅ ᑭᑎᑦᔪᑎᒻᒪᕆᒃ ᐅᖄᕗᖅ ᐊᕐᓀᑦ ᖃᐅᔨᖃᑦᑕᑕᕕᓂᖏᓐᓂᒃ, ᐊᒻᒪᓗ ᒪᕐᕉᒃ ᐃᓚᒋᐊᕈᑏᒃ ᑐᓴᕐᑎᓯᒍᑎᐅᒋᕘᒃ ᒪᕐᕉᒃ ᓲᓱᒋᔭᐅᒻᒪᕆᑦᑑᒃ ᐅᖄᔭᕕᓂᖏᓐᓄᑦ, ᒥᑎᐊᕐᔪᒃ ᓇᑉᐹᓗᒃ ᐊᒻᒪᓗ ᑖᒧᓯ ᖁᒪᖅ.
ᑖᓐᓇ ᕿᒥᕐᕈᐊᖅ ᓴᕐᕿᑐᖅ ᐅᓪᓗᒥᐅᓕᕐᑎᓗᒍ ᓄᓇᕕᒻᒥᐅᑦ ᐃᕐᖃᑐᕐᑕᐅᓲᑦ ᐅᓄᕐᓯᐅᒥᓯᒪᔪᒻᒪᕆᐅᓕᕐᑎᓗᒋᑦ ᐊᒥᓱᐃᓪᓗ ᐃᓄᐃᑦ ᐳᐃᒍᕐᓯᒪᓕᕐᑎᓗᒋᑦ ᐊᖓᔪᕐᖄᒥᑕ ᐊᓈᓇᑦᓯᐊᑯᒥᑕᓗ/ᐊᑖᑕᑦᓯᐊᑯᒥᑕᓗ ᓇᓪᓕᖏᑦ ᐃᓪᓕᕆᔭᖏᑦ ᐊᓐᖔᑕᐅᓲᕕᓂᐅᑎᓪᓗᒋᑦ. ᑖᕝᕙᓂ ᕿᒥᕐᕈᐊᒥ ᐅᖄᔭᐅᔪᓂᒃ ᐃᓅᖃᑎᒌᑦᑐᓂᒃ ᐅᖄᖃᑎᒌᒍᑎᖃᑦᓴᓚᐅᕐᐸᑖᕐᑐᒍᑦ.
