• Toby Morantz
  • 2016
  • ᖃᓪᓗᓈᑎᑐᑦ – ᐃᓄᒃᑎᑐᑦ (ᐊᑦᔨᖑᐊᕐᓂ ᑭᓯᐊᓂ)
  • ᓯᓚᑉᐱᐊᖓ ᓯᑎᔪᖅ, 7 ¼ in. x 10 ¼ in.-ᒥᒃ ᐊᖏᓂᕐᖃᓱᓂ, 512-ᓂᒃ
  • 978-2-921644-52-5
  • $60
$60.00 (CAD)

ᐅᖓᕙᒥ ᐃᓅᖃᑎᒌᓐᓂᕕᓃᑦ: ᐱᐅᓯᐅᓯᒪᔪᓂᒃ ᐊᓪᓚᖑᐊᕐᓯᒪᔪᕐᑕᓕᒃ ᐃᓄᐃᑦ, ᓈᔅᑳᐲᑦ ᐊᒻᒪᓗ ᑕᕆᐅᑉ ᐊᑭᐊᓂᒥᐅᔦᑦ ᖃᓪᓗᓈᑦ ᐃᓅᖃᑎᒌᓐᓂᕕᓂᖏᓐᓄᑦ, 1800-ᒥᑦ 1970-ᒧᑦ

ᐊᕐᕌᒍᕐᓂ 100-ᐅᓈᕐᑎᑐᓂ, 1000-ᐅᓈᕐᑎᖏᒃᖑᑎᒃ, ᐃᓄᐃᑦ ᓈᔅᑳᐲᓪᓗ ᓂᕿᑦᓴᑖᕐᕕᓴᑐᐊᖃᕐᓯᒪᕗᑦ ᐅᖓᕙᐅᑉ ᑎᑭᕋᖓᓐᓂᑦ. ᐃᓄᐃᑦ ᐆᒪᔪᕐᓂᐊᒍᒪᕙᓪᓗᓲᕕᓃᑦ ᐃᒪᕐᐱᒥᐅᑕᓂᒃ ᓄᓇᑐᐃᓐᓇᒨᕐᐸᓂᕐᒥᔫᒐᓗᐊᑦ ᑐᑦᑐᓯᐅᕈᒪᓕᕋᒥᒃ. ᑌᑦᓱᒪᓂᐊᓗᒋᐊᖅ ᑐᑦᑐᐃᑦ ᓅᓕᕋᒥᒃ ᐊᒥᓱᐊᓘᕙᓐᓂᒪᑕ ᓈᔅᑳᐲᑦ ᑕᕐᕋᒧᑦ ᓄᕿᑎᕐᑕᐅᓚᕿᓚᐅᕐᓯᒪᔪᑦ ᓯᕿᓂᒋᐊᒥ ᓇᐹᕐᑐᓕᒻᒥᐅᔭᐅᒐᓗᐊᕐᓱᑎᒃ. ᑖᒃᑯᐊ ᒪᕐᕈᐃᑦ ᐃᓗᕐᖁᓯᖃᖃᑎᒌᓐᖏᑐᑦ ᐃᓕᒃᑯᓯᐊᖅ ᐃᓅᒐᓱᐊᕈᓯᓕᕕᓃᑦ ᐱᓕᐅᑦᔨᔪᑦ ᑕᕆᐅᑉ ᐊᑭᐊᓂᒥᐅᔦᑦ ᒥᕐᖁᓕᓐᓂᒃ ᓂᐅᕐᕈᓯᕐᕕᐅᓂᕆᓲᖏᑦ ᐃᓅᓯᖏᓐᓂᒃ ᓯᖁᑦᑎᕆᓐᖏᓂᖓᓂ. ᑖᕙᑦᓱᒪᐅᑉ ᐃᒪᖓ ᐊᑦᑕᓇᕐᑐᐊᓗᓂᒃ ᐊᐅᓚᓂᐊᓗᖃᕋᓗᐊᕐᑎᓗᒍ, ᑲᒻᐸᓂᒃᑯᑦ ᓯᑦᔭᓗᑳᓂ ᓇᑉᐯᓚᐅᕐᓯᒪᔪᑦ ᓂᐅᕐᕈᓯᕐᕕᓂᒃ ᖃᓪᓗᓈᓕᕐᑕᓕᓐᓂᒃ, ᐱᒋᐊᕐᐸᓕᐊᕌᐱᑦᑐᕕᓂᐅᑦᓱᑎᒃ 1800 ᐊᕐᕌᒍᖏᑦ ᐱᒋᐊᕐᖃᒥᐅᑎᓗᒋᑦ. ᓯᕗᓪᓕᐹᒥ ᑲᒻᐸᓂᒃᑯᑦ ᑮᓇᐅᔭᓕᐅᕐᕕᒋᒍᒪᓚᐅᕐᓯᒪᔭᖓ ᓵᒪᓐᓂᐊᕕᐅᓚᐅᕐᓯᒪᕗᖅ ᑭᓯᐊᓂ ᒥᕐᖁᓕᓐᓂᒃ ᐅᓕᑲᑦᑕᖃᕈᒪᓯᓐᓂᒥᒪᑕ ᓄᓇᕐᔪᐊᒥᐅᑦ 1900 ᐱᒋᐊᕐᖃᒥᐅᑎᓗᒋᑦ ᐊᒻᒪᓗ ᒥᕐᖁᓕᓐᓂᒃ ᓂᐅᕐᕈᓯᕕᐅᓕᐅᑎᓂᖅ ᐱᒐᓱᐊᒻᒪᕆᑦᑐᐊᓘᓯᓚᐅᕐᓯᒪᔪᖅ ᑎᕆᒐᓐᓀᔦᑦ ᐊᓯᖏᓪᓗ ᒥᕐᖁᓖᑦ ᐱᒻᒪᕆᐅᓕᕐᓂᒪᑎᒃ ᐃᑲᔪᕐᓯᐅᑎᐅᑦᓱᑎᒃ. ᑕᒪᒋᒃ ᐃᓄᐃᑦ ᓈᔅᑳᐲᓪᓗ ᐃᓅᒍᑎᑦᓴᓕᐅᕐᑐᓯᐊᕌᓘᓕᓚᐅᕐᓯᒪᔪᑦ ᓱᓇᓕᒫᑦ 1929-ᒥ ᑲᑕᖏᓐᓂ. ᑐᑦᑐᐃᕈᐊᓗᑦᓴᒪᑦ ᒥᕐᖁᓖᓪᓗ ᐱᔪᒪᔭᐅᒍᓐᓀᕌᓗᑦᓴᒪᑕ ᐃᓄᐃᑦ ᓈᔅᑳᐲᓪᓗ ᐊᔪᕐᓴᑐᕈᕐᑐᐊᓘᓕᓚᐅᕐᓯᒪᔪᑦ, ᐃᑲᔪᕐᓯᔭᐅᒐᓛᐱᓚᐅᕐᓯᒪᔫᒐᓗᐊᑦ ᐅᓇᑕᕐᑏᑦ ᕗᐊᑦ ᓭᒨ-ᒧᑦ (ᑰᑦᔪᐊᒧᑦ) ᑎᑭᑦᑐᕕᓂᐅᓕᕐᒪᑕ. ᖁᓄᒐᓗᐊᕐᓱᑎᒃ ᒥᑭᓈᑎᕆᒐᓗᐊᕐᓱᑎᓗ, ᑲᕙᒪᑐᖃᕐᑯᑦ ᑲᒪᕙᓪᓕᐊᓯᔪᕕᓃᑦᑦ, ᓄᑖᓂᒃ ᐅᓇᒻᒥᓇᓕᕐᑐᓂᒃ ᓵᓐᖓᒐᑦᓴᑖᕐᑎᓯᕙᑦᓱᑎᒃ ᐃᓄᓐᓂᑦ ᓈᔅᑳᐱᓂᓗ ᐊᕐᓱᕉᑎᖃᕐᑎᓗᒋᑦ ᐅᖑᒪᑦᓯᒐᓱᐊᕐᓱᑎᒃ ᐃᓗᕐᖁᓯᒥᓂᒃ ᐃᒻᒥᓂᕿᒍᓐᓇᓂᕐᒥᓂᓗ.

ᐱᐅᓯᐅᓚᐅᕐᓯᒪᔪᑦ ᐱᓪᓗᒋᑦ ᐱᐅᔪᓪᓗᑐᐊᓘᑦᓱᑎᒃ ᐊᓪᓚᓯᒪᓂᖏᑦ ᖃᓪᓗᓈᑎᑑᕐᓱᑎᒃ ᒪᓕᑦᑕᐅᒥᑦᓱᑎᒃ ᐊᒥᓱᒻᒪᕆᓐᓄᒃ ᐊᑦᔨᖑᐊᓄᑦ ᒪᕐᕈᐃᓂᒃ ᐅᖃᐅᓯᓕᓐᓄᑦ ᖃᓪᓗᓈᑎᑐᑦ ᐃᓄᑦᑎᑐᓗ, ᐊᑐᐊᒐᓕᐊᕕᓂᖅ ᐅᓂᒃᑳᓯᐊᕐᑐᖅ “ᐱᓯᑎᓐᖑᑐᐊᓗᓂᒃ ᑲᑕᑦᑐᐊᓗᓂᓗ” ᐱᒋᐊᕐᓱᑎᒃ 1800 ᐊᕐᕌᒍᖏᑦᑕ ᐊᑯᓐᓂᖏᓐᓂ ᐃᓱᓕᑦᓱᑎᒃ ᔦᒻᔅ ᐯ-ᒥ ᑰᑦ ᓯᒥᑦᑐᑕᐅᓂᖏᓐᓄᑦ ᐃᑯᒪᐅᑎᓕᐅᕈᒪᒧᑦ 1970-ᓂ. ᑌᒣᓐᓂᑯᖏᓐᓄᑦ ᐃᓄᐃᑦ ᓈᔅᑳᐲᓪᓗ ᐊᕕᐅᑎᓚᐅᕐᓯᒪᔪᑦ ᑲᑎᑦᓱᑎᓘᓐᓃᑦ ᑲᑐᑦᔨᖃᑎᒌᒍᒪᒧᑦ ᑯᐊᐸᓐᓂᑎᒍᑦ. ᖃᐅᔨᒋᐊᕐᕕᐅᕙᑦᑎᓗᒋᑦ ᐅᓂᒃᑳᑕᐅᕙᑦᑐᕕᓃᑦ ᐊᓪᓚᖁᑏᓪᓗ ᒥᕐᖁᓕᓐᓂᒃ ᓂᐅᕐᕈᓯᕐᓂᕕᓂᕐᒨᓕᖓᔪᑦ ᑲᒻᐸᓂᒃᑯᓃᑦᑐᑦ, ᑐᒃᓯᐊᕖᑦ ᑲᕙᒣᓪᓗ, ᕿᒥᕐᕈᐊᖅ ᑕᑯᑎᑦᓯᔪᖅ ᖃᓄᖅ ᐃᓄᐃᑦ ᓈᔅᑳᐲᓪᓗ ᐃᓅᓐᓂᒪᖔᑕ 100-ᐅᓈᕐᑎᑐᓂ ᐊᕐᕌᒍᕐᓂ ᓱᖏᐅᑎᕙᓪᓕᐊᒐᓗᐊᕐᓱᑎᒃ ᓄᓇᖓᑕ ᐊᓯᑦᔨᕙᓪᓕᐊᓂᖓᓄᑦ ᐃᓅᒐᓱᐊᕈᑎᑦᓴᓕᐅᕐᓃᓗ ᖃᓄᐃᓕᖓᓕᕐᓂᖏᓐᓄᑦ ᐊᒻᒪᓗ ᑲᕙᒣᑦ ᑎᓕᐅᕈᑎᓪᓚᕆᐊᓗᒋᓚᐅᕐᓯᒪᔭᖏᓐᓄᑦ.

ᐊᑐᐊᒐᓕᐅᕐᑐᕕᓂᐅᑉ ᒥᑦᓵᓄᑦ:

Toby Morantz (ᑑᐱ ᒧᕌᓐᑦᔅ) ᐃᓗᕐᖁᓯᖃᖃᑎᒌᓐᖏᑐᑦ ᐱᕙᓪᓕᐊᓂᕆᓯᒪᔭᖏᓐᓂᒃ ᓱᑯᐃᔦᔨᐅᕗᖅ 1970-ᐄᑦ ᐊᕐᕌᒍᖏᓐᓂᓂᑦ ᖃᐅᔨᓴᖃᑦᑕᓚᐅᔪᑦᓱᓂ ᐱᐅᓯᕆᓯᒪᔭᖏᓐᓂᒃ ᓄᓇᖃᕐᖄᓯᒪᔪᑦ-ᖃᓪᓗᓈᓪᓗ ᐃᓅᖃᑎᒌᓐᓂᒥᓂ ᔦᒻᔅ ᐯ ᐅᐊᓐᓂᖓᓂ. ᖃᐅᔨᓴᕐᓂᕆᓲᖏᑦ ᑐᓐᖓᕕᓖᑦ ᑲᒻᐸᓂᒃᑯᑦ ᐊᓪᓚᖁᑎᒐᓴᕐᔪᐊᕌᓗᖏᓐᓂᒃ, 1900 ᐊᕐᕌᒍᖏᓐᓂ, ᑐᑦᓯᐊᕖᑦ ᑲᕙᒣᓪᓗ ᐊᓪᓚᖁᑎᖏᓐᓂᒃ, ᐃᓚᐅᑎᓪᓗᒋᑦ ᐅᓂᒃᑳᑕᐅᖃᑦᑕᓯᒪᔪᑦ. ᑕᒪᑦᓱᒨᓕᖓᔪᓂᒃ ᐊᓪᓚᒍᑎᖃᕐᓯᒪᓕᕐᑐᖅ ᕿᒥᕐᕈᐊᓕᐅᕐᓱᓂᓗ. ᐊᑐᐊᒐᖅ White Man’s Gonna Getcha: The Colonial Challenge to the Crees in Quebec-ᒥᒃ ᑌᔭᐅᒍᓯᓕᒃ ᐃᓕᑕᕆᔭᐅᒍᑎᑖᓚᐅᔪᔪᖅ Raymond Klibansky Prize-ᒥᒃ (ᐅᓪᓗᒥᐊᑦᓯᔭᐅᒪᓕᕐᓱᓂ: Canada Prize-ᒥᒃ) ᐅᑯᓇᓐᖓᑦ ᐱᔪᓂᑦ: Canadian Federation for the Humanities and Social Sciences ᐱᑦᓯᐊᓂᕐᐸᐅᓂᕋᕐᑕᐅᑎᓗᒍ ᖃᓪᓗᓇᐅᔭᕐᓱᓂ ᐊᑐᐊᒐᖅ 2002-03 ᐊᕐᕌᒍᖏᓐᓂ. ᖃᒻᒥᓂᑕᐅᓂᕐᓵᒃ ᐊᑐᐊᒐᓕᐊᕕᓂᒋᒃ ᐅᑯᓂᖓ ᑌᔭᐅᒍᓯᓖᒃ: Relations on Southeastern Hudson Bay: An Illustrated History of Inuit, Cree and Eurocanadian Interaction, 1740–1970, ᐁᑉᐱᐅᑎᐅᓕᕐᑐᖅ ᓄᑖᒧᑦ ᐊᑐᐊᒐᓕᐊᕆᓚᐅᔪᔭᖓᓄᑦ Relations on Ungava Bay. ᒧᕌᓐᑦᔅ ᐃᓄᒻᒪᕆᐅᓂᑯᒧᑦ ᐱᓇᓱᐊᕈᓐᓀᑐᖅ ᐃᓚᐅᖃᑦᑕᓯᒪᑦᓱᓂ ᐃᓅᖃᑎᒌᑦᑐᓂᒃ ᓱᑯᐃᔦᔨᓂ ᒪᑭᓪ ᐃᓕᓐᓂᐊᕕᕐᔪᐊᖓᓂ.